DÜNYA


İranın daha bir şirkəti sanksiyaya məruz qalıb

Tehran, 21 may AZƏRTAC.

ABŞ İranın “PAYMENT24” şirkətini və onun rəhbəri Seyid Sədcad Şəhidianın adını sanksiyalar siyahısına əlavə edib.

AZƏRTAC ABŞ Maliyyə Nazirliyinin rəsmi saytına istinadən xəbər verir ki, ABŞ-ın Minnesota ştatının prokurorluğu şirkəti və onun rəhbərini çirkli pulların yuyulmasında, dələduzluqda və sanksiya rejimini pozmaqda ittiham edib. Şirkətin bir sıra ölkələrdə ofisləri var. Lakin onun baş ofisi Tehranda yerləşir və filiallara göstəriş də məhz baş ofisdən verilir.

Nəzərə çatdırılıb ki, Böyük Britaniyada həbs olunan S.S.Şəhidian ABŞ-a verilib. Şirkət rəhbərinin əməkdaşlıq etdiyi Vahid Vəli adında şəxs də axtarışdadır. Onun harada olmasını ABŞ-ın hüquq-mühafizə orqanları hələlik müəyyən edə bilməyib.

 

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.