DÜNYA


İslam Əməkdaşlıq Təşkilatı Qahirədə İslam Festivalı keçirir

Qahirə, 5 fevral, AZƏRTAC

Bu gün Misirin paytaxtı Qahirədə İslam Əməkdaşlıq Təşkilatı tərəfindən keçirilən “Bir millət, mədəniyyətlərin müxtəlifliyi” şüarı altında İslam Festivalının açılışı olacaq.

AZƏRTAC xəbər verir ki, 20-dən artıq dövlətin nümayəndələrinin iştirak etdiyi festivalın açılış mərasimi Qahirə Opera Teatrında təşkil olunacaq. Tədbirdə islam dünyasına öz töhfələrini vermiş bir sıra islam xadimlərinin xatirəsi anılacaq.

Fevralın 9-dək davam edəcək festival çərçivəsində cürbəcür mədəni və bədii tədbirlər, elmi seminarlar və müxtəlif islam təşkilatlarının təqdimatları keçiriləcək.

Festivalda bir sıra beynəlxalq islam təsisatları, o cümlədən Tarix, İncəsənət və Mədəniyyət Mərkəzi, Ticarətin İnkişafı üzrə İslam Mərkəzi, İslam Həmrəylik Fondu, həmçinin İslam Təhsil, Elm və Mədəniyyət Təşkilatı və s. təqdim olunacaq.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.