ELM VƏ TƏHSİL
Kataliz və Qeyri-üzvi Kimya İnstitutunda magistrantların qış imtahan sessiyası davam edir
Bakı, 21 yanvar, AZƏRTAC
Azərbaycan Milli Elmlər Akademiyasının (AMEA) Kataliz və Qeyri-üzvi Kimya İnstitutunda təhsil alan magistrantların qış imtahan sessiyası davam edir.
İnstitutdan AZƏRTAC-a bildirilib ki, I kurs magistrantlar kimyanın tarixi və metodologiyası fənni üzrə qeyri-üzvi kimya, fiziki-kimya, yüksəkmolekullu birləşmələr kimyası, kimyəvi kinetika və kataliz, kompozisiya materialları kimyası, neft kimya proseslərinin riyazi modelləşdirilməsi ixtisaslarından, II kurs magistrantlar isə əlvan metal tərkibli mineral xammalın emalı fənni üzrə qeyri-üzvi kimya ixtisasından, ekoloji kataliz fənni üzrə kimyəvi kinetika və kataliz ixtisasından və aromatik həlledicilərin alınması texnologiyası fənni üzrə neft kimya proseslərinin riyazi modelləşdirilməsi ixtisasından imtahanlar veriblər.
Qış imtahan sessiyası yanvarın 31-dək davam edəcək.