MN: İyul ayı ərzində 610 hektaradək ərazi minalardan tam təmizlənib
Bakı, 18 iyul, AZƏRTAC
Azərbaycan Ordusunun Mühəndis Qoşunlarının hissə və bölmələrinin fəaliyyəti nəticəsində azad edilmiş ərazilərdə cari ilin iyul ayı ərzində 610 hektaradək ərazi minalardan tam təmizlənib.
Bu barədə AZƏRTAC-a Müdafiə Nazirliyinin mətbuat xidmətindən bildirilib.
Qeyd edilib ki, işğaldan azad edilmiş ərazilərdə bu günə kimi mühəndis-istehkam bölmələri tərəfindən 32 min 285 hektar ərazi mina və partlamamış döyüş sursatlarından təmizlənib. Ümumilikdə 10 min 207 ədəd piyada əleyhinə, 2580 ədəd tank əleyhinə mina və 10 min 447 ədəd partlamamış döyüş sursatı aşkarlanaraq məhv edilib.
Bölmənin digər xəbərləri
