Moskva vilayətində raket təhlükəsi elan edilib
Moskva, 23 iyun, AZƏRTAC
Moskva vilayətində raket təhlükəsi elan edilib və Rusiyanın bir neçə digər bölgəsində də oxşar xəbərdarlığın anonsu verilib.
AZƏRTAC RF Vahid Dövlət Fövqəladə Halların Qarşısının Alınması və Reaksiya Sisteminə (VDQM) istinadla xəbər verir ki, sakinlərə təhlükəsizlik tədbirlərinə riayət etmələri və imkan daxilində evlərində qalmaları tövsiyə olunur.
Bəyanatda deyilir: “Evdə qalın və pəncərələrə yaxınlaşmayın və ya sığınacaq axtarmayın. Çöldə və ya nəqliyyat vasitəsindəsinizsə, binada, yeraltı keçiddə və ya dayanacaqda sığınacaq tapın”.
VDQM mobil internet xidmətində mümkün fasilələr barədə də xəbərdarlıq edib və sakinlərə dronları, hava hücumundan müdafiə sistemlərini çəkməməyi tövsiyə edib.
Raket xəbərdarlığı həmçinin Voronej, Nijni Novqorod, Həştərxan, Rostov, Tambov, Volqoqrad, Penza, Saratov, Samara, Vladimir və Ulyanovsk vilayətlərində, eləcə də Tatarıstan, Mordoviya, Çuvaşiya və Udmurtiya respublikalarında da elan edilib.
Bölmənin digər xəbərləri
