Regional Su Meliorasiya Xidmətinin sədri: Müasir suvarma texnologiyalarına keçid zəruridir
Saatlı, 23 iyun, AZƏRTAC
Su resurslarından səmərəli istifadə kənd təsərrüfatının gələcək inkişafının əsas şərtlərindən biridir.
AZƏRTAC-ın bölgə müxbiri xəbər verir ki, bu fikri Azərbaycan Dövlət Su Ehtiyatları Agentliyinin Regional Su Meliorasiya Xidmətinin sədri Zakir Quliyev Saatlı rayonunda “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün Dövlət Proqramı”nın icrasının təmin edilməsi məqsədilə keçirilən müşavirədə səsləndirib.
Zakir Quliyev qeyd edib ki, ölkədə bitkiçilik məqsədilə istifadə olunan geniş torpaq sahələrinin mövcudluğuna baxmayaraq, müasir suvarma sistemləri hələ də ümumi əkin sahələrinin təxminən 10 faizini əhatə edir.
O bildirib ki, 2026-2030-cu illər üzrə təsdiq olunmuş tədbirlər planında nəzərdə tutulmuş müasir suvarma texnikasının əhatə dairəsinin 130 min hektardan 300 min hektara qədər artırılması hədəfləri mövcud klassik suvarma sistemlərindən istifadəni deyil, müasir intensiv suvarma metodlarına keçidi bir daha şərtləndirir.
Müxbir - Aydın Yavərzadə
Bölmənin digər xəbərləri
