MƏDƏNİYYƏT
NAXÇIVAN ŞƏHƏRİNDƏKİ HEYDƏR ƏLİYEV MƏDƏNİYYƏT VƏ İSTİRAHƏT PARKINDA YENİDƏNQURMA İŞLƏRİ APARILMIŞDIR
Naxçıvan, 1 may (AZƏRTAC). Naxçıvan Muxtar Respublikası Ali Məclisinin sədri Vasif Talıbov mayın 1-də şəhərdəki Heydər Əliyev Mədəniyyət və İstirahət Parkına gələrək burada həyata keçirilmiş əsaslı təmir və yenidənqurma işləri ilə tanış olmuşdur.
Naxçıvan Şəhər İcra Hakimiyyətinin başçısı Vüqar Səfərov məlumat vermişdir ki, 4,7 hektarlıq park xüsusi layihə əsasında yenidən qurulmuşdur. Burada musiqili fəvvarə və şəlalə kompleksi qoyulmuş, karusel və attraksionlar quraşdırılmış, kanalda qayıqla gəzinti üçün şərait yaradılmış, dekorativ ağac və gül kolları əkilmiş, işıqlandırma sistemi yeniləşdirilmişdir. Parkın baş tağı yenidənqurma işlərindən sonra əzəmətli görkəm almışdır.
######