İQTİSADİYYAT


Nazir: Azərbaycan ilə Gürcüstan arasında enerji sahəsində nümunəvi əməkdaşlıq mövcuddur

Nazir: Azərbaycan ilə Gürcüstan arasında enerji sahəsində nümunəvi əməkdaşlıq mövcuddur

Tbilisi, 8 oktyabr, AZƏRTAC

Azərbaycan ilə Gürcüstan arasında çoxşaxəli əməkdaşlıq var. Enerji sahəsində əməkdaşlıq da burada xüsusi rol oynayır.

AZƏRTAC xəbər verir ki, bu sözləri jurnalistlərə müsahibəsində Tbilisidə səfərdə olan Azərbaycanın energetika naziri Pərviz Şahbazov deyib.

Onun sözlərinə görə, Tbilisidə keçirilən görüşlərdə hazırda iki ölkənin bilavasitə iştirakı ilə həyata keçirilən enerji layihələri müzakirə olunub. Eyni zamanda, yeni layihələr üzərində də fikir mübadiləsi aparılıb.

Nazir deyib ki, Azərbaycan ilə Gürcüstan arasında elektrik enerjisi, o cümlədən, təbii qazın təchizatı sahəsində nümunəvi bir əməkdaşlıq var.

Ötən illər ərzində Bakı-Tbilisi-Ceyhan neft, Bakı-Tbilisi-Qaz, eləcə də Cənub Qaz Dəhlizi layihələrinin həyata keçirilməsində Azərbaycan ilə Gürcüstan böyük təcrübə qazanıblar. Bu təcrübə əsasında əməkdaşlığı gələcəkdə bir qədər də genişləndirmək və məxsusi olaraq elektrik enerjisi sahəsində həyata keçirmək niyyətindəyik.

 
Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.