İQTİSADİYYAT


Pərviz Şahbazov: Cənub Qaz Dəhlizinə digər ölkələrin də marağı artır

Bakı, 20 fevral, AZƏRTAC

Cənub Qaz Dəhlizinə digər ölkələrin də marağı artır.

AZƏRTAC xəbər verir ki, bu sözləri Cənub Qaz Dəhlizi Məşvərət Şurası çərçivəsində nazirlərin beşinci toplantısından sonra keçirilən mətbuat konfransında energetika naziri Pərviz Şahbazov deyib.

“Bu gün Cənub Qaz Dəhlizi Məşvərət Şurası çərçivəsində nazirlərin növbəti görüşünün iştirakçıları tərəfindən imzalanan Birgə Bəyannamədə strateji tərəfdaşlıq ön plana çəkilib və layihənin təşəbbüskarı olan Azərbaycanın rolu bir daha qeyd edilib. İclas zamanı Prezident İlham Əliyev “Cənub Qaz Dəhlizi” layihəsinin icrası üzrə əldə olunan nailiyyətləri yüksək qiymətləndirdi. Builki iclasın iştirakçılarının sayında da artım olub. İclasa 17 ölkənin nümayəndəsi qatılıb. Serbiya, Macarıstan və San-Marino ilk dəfə iclasda təmsil olunub. Bu, Cənub Qaz Dəhlizinə marağın artdığının bariz nümunəsidir”, - deyə nazir bildirib.

P.Şahbazov deyib: “Cənub Qaz Dəhlizinin tərkib hissəsi olan layihələrdən “Şahdəniz-2”, Cənubi Qafqaz Boru Kəmərinin Genişləndirilməsi və TANAP-ın Türkiyə təbii qaz nəql edən hissəsi üzrə işlər yekunlaşıb. Azərbaycan qazını Avropaya çatdıracaq TAP boru kəmərinin inşasının 85 faizi tamamlanıb”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.