QADINLARDAN İBARƏT AZƏRBAYCAN YIĞMASI DÜNYA ÇEMPİONU OLMUŞDUR
Bakı, 26 sentyabr (AZƏRTAC). Danimarkanın Herninq şəhərində keçirilən güləş üzrə dünya çempionatının beşinci günü mübarizə aparan qadın güləşçilərimiz final mərhələsinə yüksələ bilməsələr də, ilk onluğa düşmüşlər. 67 kq çəki dərəcəsində Zümrüd Qurbanhacıyeva yarışları 8-ci, 72 kq çəki dərəcəsində Dina İvanova isə 7-ci yerdə tamamlamışdır. Bütövlükdə qadın pəhləvanlarımız 2 qızıl və 1 gümüş medal qazanmaqla, komanda hesabında fəxri kürsünün ən yüksək pilləsinə qalxaraq - dünya çempionu adını qazanmışlar.
Qeyd edək ki, qızıl mükafatların sahibləri - Mariya Stadnik (48 kq) və Yuliya Radkeviç (59 kq) olmuşdur. Sona Əhmədli (51 kq) isə millimizin hesabına gümüş medal əlavə etmişdir.
Bölmənin digər xəbərləri
