İDMAN


Türkiyə Superliqası: “Fənərbağça” səfərdə “Kasımpaşa”ya uduzub 

Bakı, 21 iyun, AZƏRTAC

Futbol üzrə Türkiyə çempionatının XXVIII turu çərçivəsində keçirilən qarşılaşmada “Kasımpaşa” doğma meydanda “Fənərbağça”nı qəbul edib.

AZƏRTAC xəbər verir ki, hesabı matçın 55-ci dəqiqəsində meydan sahiblərinin hücumçusu Mame Tiam açıb. “Kasımpaşa”nın yarımmüdafiəçisi Yusif Ərdoğan 90-cı dəqiqədə komandasının qələbəsini rəsmiləşdirib.

Beləliklə, “Fənərbağça” səfərdə “Kasımpaşa”ya 2:0 hesabı ilə məğlub olub.

Günün digər oyunlarında isə “Konyaspor” – “Sivasspor” və “Qalatasaray” –“Qaziantep” komandaları qarşılaşacaq. Matçlar Bakı vaxtı ilə saat 22:00-da start götürəcək. XXVIII tura iyunun 22-də “Alanyaspor” – “Trabzonspor” və “Antalyaspor” – “Rizəspor” görüşləri ilə yekun vurulacaq.

Türkiyə çempionatında hazırda “Başakşəhər” 59 xalla turnir cədvəlinin lideridir. Ondan bir oyun az keçirmiş “Trabzonspor” 56 xalla ikincidir. “Sivasspor” 52 xalla üçüncü, “Qalatasaray” klubu isə 50 xalla dördüncü pillədə qərarlaşıb. Sonrakı yerlərdə “Beşiktaş” (47 xal), “Alanyaspor” (43 xal), “Fənərbağça” (43 xal) və digər komandalar gəlir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.