MƏDƏNİYYƏT


UNESCO gəncləri fotomüsabiqədə iştiraka dəvət edir

Paris, 17 iyun, AZƏRTAC

UNESCO-nun gənclər proqramına və “Mədəniyyətlərin yaxınlaşması naminə Beynəlxalq Onillik” layihəsinə uyğun olaraq, İpək Yolu üzərində ümumi mədəni irs mövzusu üzrə vizual tədqiqat və maarifləndirici xarakterli “İpək Yolu gənclərin gözü ilə” adlı fotomüsabiqə keçirilir.

Fotomüsabiqənin əsas məqsədi İpək Yolu üzərində yerləşən ölkələrin gəncləri arasında qarşılıqlı anlaşmanı və sülhü təşviq etməklə birgə mədəni irsi daha yaxşı anlamağa motivasiya vermək, fotoqrafiyadan alət kimi istifadə edərək İpək Yolu ölkələrinin tarixi töhfələrini diqqətə çatdırmaqdır.

Aprelin 11-dən iyulun 15-dək keçirilən müsabiqədə iki yaş kateqoriyası üzrə – 14 yaşdan 17 yaşadək və 18 yaşdan 25 yaşadək gənclər iştirak edə bilərlər.

Sonda qaliblərin sərgiləri təşkil olunacaq. Müsabiqənin ruhunu əks etdirən 50 fotodan ibarət sərgi əvvəlcə UNESCO-nun baş qərargahında, sonra isə digər ölkələrdə keçiriləcək. Göndərilən müstəsna fotolar professional mediada dərc olunacaq.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.