Viki-qrupun üzvlərinin növbəti uğuru
Bakı, 21 yanvar, AZƏRTAC
Azərbaycan Milli Elmlər Akademiyasının (AMEA) akademik Həsən Əliyev adına Coğrafiya İnstitutunda “Azərbaycan Vikimedia Könüllüləri” İctimai Birliyinin təşkilatçılığı ilə “Vikipediya”nın 18, Azərbaycan dilində “Vikipediya” layihəsinin isə 15 illiyi qeyd olunub.
İnstitutdan AZƏRTAC-a bildirilib ki, görüşdə 2018-ci ildə “Vikipediya” sahəsində görülən işlər barədə fikir mübadiləsi və müzakirələr aparılıb, gələcək planlar nəzərdən keçirilib. Sonra Azərbaycan dilli “Vikipediya”da müntəzəm olaraq təşkil edilən “Mövzulu ay” məqalə müsabiqələri üzrə qaliblər mükafatlandırılıb.
Qeyd edək ki, hazırda Azərbaycan dilli “Vikipediya” 142 mindən artıq məqalə sayı ilə “Vikipediya”nın 300-ə yaxın dil layihəsi arasında 52-ci yerdədir.
Bölmənin digər xəbərləri
