İQTİSADİYYAT
® Biznesində “Maestro” olanlara hədiyyələr təqdim edilib
Xəbər verdiyimiz kimi, “Birbank Biznes” biznes sahibləri üçün əsas bank əməliyyatları və məhsullarını özündə birləşdirən, tamamilə yeni və daha qənaətcil məhsul təqdim edib.
Ölkənin bank sektorunda ilk olan bu məhsul vasitəsilə müştərilər biznes ehtiyaclarına uyğun əməliyyatları və xidmətləri istənilən həcmdə və sayda seçərək tarif paketlərini özləri yarada bilirlər.
30 iyul-5 sentyabr tarixlərində həyata keçirilən kampaniya çərçivəsində “Maestro” tarifinə qoşulan hər 25-ci sahibkar Premium kart, ən yüksək dövriyyə alan 3 sahibkar isə qızıl qazanmaq şansı əldə edirdi. Qeyd edək ki, şərtlərə əsasən müştəri tarifə qoşulduqdan sonra “Maestro” ilə minimum 2 fərqli əməliyyat dövriyyəsi almalı və paketə ödəniləcək ümumi məbləğ ən azı 500 manat olmalı idi.
Ötən gün “Birbank Biznes” komandasının biznes sahibləri ilə görüşündə kampaniyanın qalibləri də iştirak ediblər və onlara hədiyyələr təqdim edilib. Görüşdə cari il ərzində “Birbank Biznes” mobil tətbiqinə gətirilən yeniliklər haqqında danışılıb, eyni zamanda növbəti ildə sahibkarlara yaradılacaq imkanlar, yeni layihələr barədə məlumat verilib.
Tədbirdə biznes sahibləri öz sual və təkliflərini də səsləndiriblər.
Sahibkarlara vaxta və xərclərə qənaət etmək imkanı verən “Maestro” tarifi haqqında ətraflı məlumat və sifariş üçün https://kbl.az/bbprmkd saytında hesabınıza daxil olmağınız və “Tariflər” bölməsində “Maestro” tarifi bölməsinə keçid etməyiniz və ya 896 məlumat mərkəzinə zəng etməyiniz kifayətdir.
Bölmənin digər xəbərləri
