"Barselona"nın idman direktorunun müqaviləsinə xitam verilib
Bakı, 19 avqust, AZƏRTAC
İspaniyanın "Barselona" futbol klubunun idman direktoru Erik Abidalla komandadan ayrılıb.
AZƏRTAC klubun rəsmi saytına istinadən xəbər verir ki, tərəflərin qarşılıqlı razılaşması ilə müqaviləyə xitam verilib.
2007-2013-cü illərdə futbolçu kimi "Barselona"nın şərəfini qoruyan 40 yaşlı mütəxəssis 2018-ci ildə klubun idman direktoru təyin edilmişdi.
Xatırladaq ki, Çempionlar Liqasının 1/4 finalında "Barsa"nın "Bavariya"ya 2:8 hesabı ilə uduzmasından sonra komandanın baş məşqçisi Kike Setyen istefaya göndərilib. İspaniya mətbuatı komandanın yenidən qurulacağını yazıb.
Bölmənin digər xəbərləri
