"Real Madrid" Çempionlar Liqasının qalibi olub YENİLƏNİB
Bakı, 2 iyun, AZƏRTAC
UEFA Çempionlar Liqasında 2023-2024-cü illər mövsümünə yekun vurulub.
AZƏRTAC xəbər verir ki, finalda Almaniyanın “Borussiya Dortmund” və İspaniyanın “Real Madrid” komandaları üz-üzə gəliblər.
İngiltərənin paytaxtı London şəhərində yerləşən “Uembli” stadionunda oynanılan görüş "Kral klubu"nun 2:0 hesablı qələbəsi ilə başa çatıb.
Komandanın qollarını 74-cü dəqiqədə Daniel Karvaxal, 83-cü dəqiqədə Vinisius Junior vurub.
00:44
UEFA Çempionlar Liqasının İspaniyanın “Real Madrid” və Almaniyanın “Borussiya Dortmund” komandaları arasındakı final qarşılaşmasında ikinci qol vurulub.
AZƏRTAC xəbər verir ki, İngiltərənin paytaxtı London şəhərində yerləşən “Uembli” stadionunda oynanılan görüşün 83-cü dəqiqəsində Madrid təmsilçisinin futbolçusu Vinisius Junior komandasının ikinci qoluna imza atıb 2:0.
Matçın baş hakimi sloveniyalı Slavko Vinçiçdir.
00:37
UEFA Çempionlar Liqasının İspaniyanın “Real Madrid” və Almaniyanın “Borussiya Dortmund” klubları arasındakı final qarşılaşmasında hesab açılıb.
AZƏRTAC xəbər verir ki, İngiltərənin paytaxtı London şəhərində yerləşən “Uembli” stadionunda oynanılan görüşün 74-cü dəqiqəsində Madrid təmsilçisinin futbolçusu Daniel Karvaxal qol vuraraq komandasını hesabda önə keçirib 1:0.
Matçın baş hakimi sloveniyalı Slavko Vinçiçdir.
23:57
Bakı, 1 iyun, AZƏRTAC
UEFA Çempionlar Liqasının İspaniyanın “Real Madrid” və Almaniyanın “Borussiya” komandaları arasındakı final qarşılaşmasının ilk hissəsi başa çatıb.
AZƏRTAC xəbər verir ki, Londondakı “Uembli” stadionunda keçirilən görüşün birinci yarısında hesab açılmayıb.
Matçın baş hakimi sloveniyalı Slavko Vinçiçdir.
Bölmənin digər xəbərləri
