ABDULLAH GÜL: TÜRKİYƏ PREZİDENTİNİN RUSİYAYA SƏFƏRİ ÇOX ƏHƏMİYYƏTLİDİR
Abdullah Gül Si-En-En-Türk telekanalına müsahibəsində demişdir: “Rusiya ilə bizi böyük iqtisadi maraqlar birləşdirir. Buna görə də Türkiyə dövləti başçısının səfərinin xüsusi əhəmiyyəti var. Rusiya Federasiyası ilə münasibətlər genişmiqyaslı və çoxtərəfli olmuşdur. Əminəm ki, ölkələrimizin vətəndaşları onları yüksək qiymətləndirəcəklər”.
Nazir vurğulamışdır ki, Türkiyə ilə Rusiya arasında ticarət-iqtisadi əlaqələr yüksələn xətlə inkişaf edir. Onun sözlərinə görə, məqsəd əmtəə dövriyyəsini 25 milyard dollara çatdırmaqdır. Abdullah Gül demişdir: “Bu əməkdaşlıq qarşılıqlı surətdə faydalı xarakter daşıyır. Tikinti sahəsində podratçılarımız və iş adamlarımız Rusiyada müxtəlif layihələrin gerçəkləşdirilməsinə 15 milyard dollardan artıq vəsait ayırmışlar”.
Bölmənin digər xəbərləri
