ABŞ Avropanı Rusiyaya qarşı daha aqressiv mövqe tutmağa çağırır
Bakı, 18 noyabr, AZƏRTAC
ABŞ-ın NATO-dakı daimi nümayəndəsi Mettyu Uitaker Avropa ölkələrini Rusiyaya qarşı daha aqressiv mövqe tutmağa çağırıb.
AZƏRTAC xəbər verir ki, bu barədə “Bloomberg” nəşri diplomatın özünə istinadla məlumat yayıb. Uitakerin sözlərinə görə, Birləşmiş Ştatların avropalı müttəfiqləri Ukraynanın hərbi xərclərini ödəmək üçün dondurulmuş Rusiya aktivlərindən istifadə etmək planlarını həyata keçirməyə başlamalıdır. Onların cəsarətlə hərəkət etmələrinin vaxtı çatıb. Diplomat qeyd edib ki, bu tədbirlər yaxın bir neçə il ərzində Kiyevin maliyyələşdirilməsində "əhəmiyyətli addım" olacaq.
Daha əvvəl “Politico” belə bir xəbər yaymışdı ki, Belçika “söhbətin nədən getdiyinin təfərrüatlarını bilənədək” dondurulmuş Rusiya aktivlərindən istifadə olunması ilə razılaşmayacaq. Ölkə rəhbərliyi potensial riskləri bölüşmək üçün Avropa İttifaqına təzyiq göstərməkdə davam edir.
Bölmənin digər xəbərləri
