ABŞ-dakı aktiv qazma qurğularının sayı 898-ə düşüb
Bakı, 7 sentyabr, AZƏRTAC
Birləşmiş Ştatlardakı aktiv qazma qurğularının sayı azalıb.
AZƏRTAC xəbər verir ki, bu barədə “Baker Hughes” şirkəti məlumat yayıb. Bildirilir ki, ötən hesabat həftəsində ABŞ-dakı aktiv neft və qaz qazma qurğularının sayı 6 ədəd azalaraq 898 olub. Keçən ilin eyni dövrü ilə müqayisədə ölkədəki aktiv qazma qurğularının sayı 150 ədəd azalıb.
Ötən həftə ABŞ-dakı aktiv neft qazma qurğularının sayı 7 ədəd geriləyərək 738 olub. Əvvəlki ilin müvafiq dövrünə görə neft qazma qurğularının sayında 122 ədəd azalma qeydə alınıb.
Aktiv qaz qazma qurğularının sayı da 2 ədəd azalaraq 160 olub. Keçən ilin eyni dövrünə nisbətən ölkədəki qazma qurğularının sayı 26 ədəd geriləyib.
Qeyd edək ki, ABŞ-da aktiv neft qazma qurğularının sayı 1981-ci ildə ölkə tarixində maksimuma, yəni 4 min 530-a çatıb. Neftin qiymətinin ucuzlaşması fonunda ölkədəki aktiv neft qazma qurğularının sayı 2016-cı ilin mayında isə minimuma - 316-ya düşüb.
Bölmənin digər xəbərləri
