ABŞ-də ticarət mərkəzində atışma olub, 10 nəfər xəsarət alıb
Vaşinqton, 24 aprel, AZƏRTAC
ABŞ-nin Luiziana ştatının Baton-Ruj şəhərində yerləşən ticarət mərkəzində atışma baş verib.
AZƏRTAC-ın məlumatına görə, hadisə zamanı 10 nəfər xəsarət alıb. Atəş açan şəxs azadlıqdadır.
Baton-Ruj meri Sid Edvards bildirib ki, bütün yaralılar hadisə yerindən xəstəxanalara daşınıb və hər kəs ticarət mərkəzindən təxliyə edilib. Polisin məlumatına əsasən, atışma iki qrup arasında gedən dava zamanı baş verib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
