ABŞ ƏRƏFATIN SÜRGÜN OLUNMASINI PİS İDEYA HESAB EDİR
AZƏRTAC-ın xarici informasiya agentliklərindən aldığı xəbərə görə, ABŞ Fələstin milli muxtariyyətinin lideri Yasir Ərəfatı İsrailin sürgün etmək niyyətini “pis ideya” adlandırmışdır. ABŞ dövlət katibinin köməkçisi Uilyam Berns etiraf etmişdir ki, Fələstin torpaqlarında İsrailin ayırıcı divar çəkməsi sülh danışıqları üçün problem olacaqdır.
ABŞ diplomatı demişdir: “Yasir Ərəfat Fələstin xalqının bir hissəsidir və biz buna hörmətlə yanaşırıq”. O vurğulamışdır ki, ABŞ Fələstin hökumətinə daha çox səlahiyyət verilməsini istəyir.
Məlum olduğu kimi, İsrailin Baş naziri Ariel Şaron bildirmişdir ki, İsrail hökuməti Yasir Ərəfatı terrorçu sayır və onu münasib vaxtda ölkədən sürgün etməyə çalışır.
Hazırda Fələstin milli muxtariyyətinin başçısı Rəmallahdakı iqamətgahında, əslində, ev dustağı şəraitində yaşayır.
Bölmənin digər xəbərləri
