ABŞ-ın İraqdakı səfirliyi raket atəşinə məruz qalıb
Bağdad, 14 yanvar, AZƏRTAC
ABŞ-ın İraqdakı səfirliyi növbəti dəfə raket hücumuna məruz qalıb. Bağdad şəhərinin Yaşıl Zona adlanan ərazisində yerləşən səfirliyə uzaq məsafədən 2 raket atılıb.
AZƏRTAC İraq mətbuatına istinadla xəbər verir ki, atılan hər 2 raket hava hücumundan müdafiə sistemi tərəfindən səfirliyin üzərində zərərsizləşdirilib.
Dünən isə AŞB hərbçilərinin Kərkük vilayəti ərazisində maşın karvanı silahlı hücuma məruz qalmışdı. İraq ABŞ hərbçilərinin ölkə ərazisindən çıxarılması barədə Vaşinqton ilə danışıqlar aparıb. Hətta İraq parlamenti ölkədə xarici dövlətlərə məxsus hərbi hissələrin saxlanılmasını qadağan edən qanun da qəbul edib. Lakin ABŞ hərbçilərini İraqdan çıxarmağa hələ ki, tələsmir və bu da bəzi qruplaşmaları narahat edir.
Qeyd edək ki, İraq xalqı da yad dövlətlərə məxsus hərbçilərin ölkə ərazisində qalmasını istəmir.
Rabil Kətanov
AZƏRTAC-ın xüsusi müxbiri
Bağdad
Bölmənin digər xəbərləri
