Şamaxıda vətəndaşların maliyyə xidmətləri ilə bağlı müraciətləri dinlənilib
Bakı, 3 sentyabr, AZƏRTAC
Azərbaycan Respublikasının Mərkəzi Bankı (AMB) tərəfindən maliyyə xidmətləri istehlakçılarının və investorların hüquqlarının müdafiəsinin gücləndirilməsi, onların maliyyə xidmətləri ilə bağlı müraciətlərinə yerində baxılmasının təmin edilməsi istiqamətində tədbirlər davam etdirilir.
AMB-dən AZƏRTAC-a bildirilib ki, bu çərçivədə sentyabrın 2-də Şamaxı rayonunda vətəndaşlarla səyyar görüş keçirilib. Görüş zamanı vətəndaşların maliyyə xidmətləri ilə bağlı müraciətləri dinlənilib, onları maraqlandıran məsələlərə dair zəruri izahatlar verilib və müraciətlərin həlli istiqamətində müvafiq məlumatlandırma aparılıb. Görüş zamanı daxil olan müraciətlərin əsas hissəsi kredit əldə edilməsi ilə bağlı olub.
Qeyd edək ki, maliyyə xidmətləri istehlakçılarının hüquqlarının müdafiəsinin daha da gücləndirilməsi, onların müraciətlərinin yerində dinlənilməsi və maliyyə xidmətlərinə çıxışla bağlı məsələlərin öyrənilməsi məqsədilə regionlarda səyyar görüşlərin mütəmadi olaraq keçirilməsi nəzərdə tutulur.
Bölmənin digər xəbərləri
