ABŞ KONQRESMENLƏRİNİN TEHRANA SƏFƏRİ NƏZƏRDƏ TUTULMUR
AZƏRTAC-ın İTAR-TASS agentliyindən aldığı xəbərə görə, İran XİN-in rəsmi nümayəndəsi Həmid Rza Asəfi ABŞ konqresmenlərinin bu ilin fevralında İslam Respulikasına səfərinin mümkünlüyünü təkzib etmişdir. O demişdir ki, İranın BMT-dəki daimi nümayəndəsinin Vaşinqtona getməsi artıq neçənci dəfədir ABŞ-ın qeyri-hökumət qurumlarının diqqətini İrana cəlb etmək məqsədi daşıyır. Lakin kütləvi informasiya vasitələrinin məlumatının əksinə olaraq, ABŞ konqresmenlərinin Tehrana səfəri gündəlikdə durmur.
Həmid Rza Asəfinin bəyanatı İranın BMT-dəki nümayəndəsinin Vaşinqtona səfərindən sonra, guya, fevralın 11-də ABŞ konqresmenlərindən ibarət heyətin Tehrana gələcəyi barədə yayılan xəbərlərə cavabdır.
Bölmənin digər xəbərləri
