ABŞ-nin dövlət qurumlarında süni intellektin tətbiqi üçün min proqramçı işə götürüləcək
Bakı, 19 fevral, AZƏRTAC
ABŞ administrasiyası Maliyyə Nazirliyi və NASA kimi qurumlarda süni intellekt və digər qabaqcıl texnologiyaların tətbiqi üçün təxminən min nəfər proqram təminatı mühəndisinin işə götürüləcəyini elan edib.
AZƏRTAC xəbər verir ki, “Financial Times” qəzeti bu barədə Ağ Evin kadrlar idarəsinin rəhbəri Skott Kupora istinadla məlumat yayıb. ABŞ administrasiyası bu istiqamətdə “Apple”, “Coinbase”, “Microsoft”, “Nvidia”, “OpenAI”, “xAI” və “Palantir” də daxil olmaqla bir neçə texnologiya nəhəngi ilə tərəfdaşlıq edir.
Hazırda elanla bağlı 10 mindən çox müraciət daxil olub. İşə qəbul qərarları ali təhsil və ya iş təcrübəsinə deyil, bacarıqlara əsaslanacaq. Nəşrin məlumatına görə, seçilmiş namizədlər ildə 150-200 min dollar maaş alacaqlar.
Bölmənin digər xəbərləri
