ABŞ SƏFİRLİYİNİN AZƏRBAYCAN REGİONLARININ KİTABXANA İŞİNİN İNKİŞAFINA TÖHFƏSİ
AZƏRTAC-ın müxbiri xəbər verir ki, proqramda əsasən region kitabxanalarının inkişafı, onların fondlarının zənginləşdirilməsi, kitabxana işçiləri üçün məşğələlərin keçirilməsi nəzərdə tutulmuşdur. Təlim–məşğələlərin birinci mərhələsində respublikamızın on rayonunun mərkəzi kitabxanasının işçiləri müxtəlif kursları dinləyərək seminarlarda iştirak etmişlər. Proqram uzunmüddətlidir və hər il daha on rayonun kitabxana işçilərini əhatə edəcəkdir.
Tədbirdə iştirak edən ABŞ-ın Azərbaycandakı səfiri Rino Harniş kursları bitirmiş kitabxana işçilərini təbrik etmiş və bildirmişdir ki, regionların kitabxanalarının fondunu zənginləşdirmək üçün Kanada və ABŞ-dan ingilis dilində ensiklopediyalar, bədii ədəbiyyat, uşaq kitabları gətirilmişdir və onun özünün xususi kolleksiyasi bu siyahıya əlavə olunacaqdır.
Görüşdə çıxış edənlər hər bir rayona min nüsxə ingilis dilində və latın qrafikalı milli ədəbiyyat göndəriləcəyini, gələcək nəslin tərbiyəsində bu nəcib işin əhəmiyyətini vurğuladılar.
Sonda səfir Rino Harniş kursları bitirmiş kitabxana işçilərinə sertifikatlar təqdim etdi.
Bölmənin digər xəbərləri
