AZƏRTAC xəbər verir ki, oktyabrın 15-də Azərbaycanın qadınlardan ibarət “ABU” həndbol klubu Bakıda Kuboklar Kuboku turnirinin ikinci mərhələsində Polşanın “Zaqlebiye” komandası ilə cavab görüşü keçirmişdir.

Xatırladaq ki, ilk oyun “ABU”-nun qələbəsi ilə başa çatmışdır - 27:25. Gərgin idman mübarizəsi şəraitində keçən cavab qarşılaşmasında isə Polşa komandası Azərbaycan çempionunu 29:27 hesabı ilə məğlub etmişdir.

Qeyd edək ki, Polşa klubu ilə əldə olunmuş razılığa əsasən, hər iki oyun Bakıda keçirilmişdir. Bununla belə, ikinci oyun ABU-nun səfər görüşü sayıldığından Polşa komandası ən azı üç top fərqi ilə qalib gəlməli idi. Lakin güclü rəqibin təzyiqlərinə tab gətirən “ABU”nun həndbolçuları minimal hesabla məğlub olaraq növbəti mərhələyə vəsiqəni təmin etmişlər.