İQTİSADİYYAT
AÇG-də “dərin qaz”ın işlənilməsinin kommersiya və texniki məsələləri müzakirə olunur
Bakı, 5 iyul, AZƏRTAC
BP və Azərbaycanın Dövlət Neft Şirkəti (SOCAR) “Azəri-Çıraq-Günəşli” (AÇG) yataqlar blokunda “dərin qaz” hasilatının işlənilməsinin kommersiya və texniki məsələlərini müzakirə edir.
AZƏRTAC xəbər verir ki, bu sözləri jurnalistlərə açıqlamasında BP-nin Xəzər regionu üzrə kommunikasiyalar və xarici əlaqələr üzrə vitse-prezidenti Bəxtiyar Aslanbəyli deyib.
O bildirib ki, AÇG strukturunda hazırda istismarda olan neft yatağının altındakı dərin qaz laylarının məhsuldarlığını müəyyən etmək üçün quyunun qazılması işləri prinsipcə başa çatıb və əldə olunan məlumatlarının interpretasiyası bitib. “Düşünürəm ki, ilin sonuna qədər məsələyə aydın baxışımız olacaq", - deyə Bəxtiyar Aslanbəyli diqqətə çatdırıb.
Bölmənin digər xəbərləri
