Adıyaman valisi: Fəlakət zonasının sakinləri qardaş Azərbaycana və şəxsən Prezident İlham Əliyevə minnətdardır
Adıyaman, 3 fevral, AZƏRTAC
Fəlakət zonasının sakinləri 2023-cü ilin dağıdıcı fevral zəlzələlərinin fəsadlarının aradan qaldırılmasında dəstəyinə görə qardaş Azərbaycana ürəkdən minnətdardırlar. İstərdik ki, şəxsən Azərbaycan Prezidenti İlham Əliyevə xüsusi təşəkkürümüzü bildirək.
Bu barədə AZƏRTAC-a Türkiyənin Adıyaman vilayətinin valisi Osman Varol bildirib.
Vali vurğulayıb ki, Azərbaycan həm maliyyə yardımı göstərərək və xilasediciləri fəlakət zonasına göndərərək, həm də konteyner şəhərcikləri yaradaraq və humanitar yükləri tədarük edərək öz qardaş köməyini əsirgəməyib.
O.Varol qeyd edib ki, son iki ildə fəlakət zonaları olan bütün vilayətlərdə bərpa işləri istiqamətində atılan addımlarda Azərbaycanın dəstəyi hiss olunub.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
