ADPU-nun e-kitabxana xidmətindən ötən il 34 minədək şəxs yararlanıb
Bakı, 8 yanvar, AZƏRTAC
Azərbaycan Dövlət Pedaqoji Universitetinin (ADPU) Kitabxana-İnformasiya Mərkəzi 2024-cü ildə səmərəli fəaliyyəti ilə yadda qalıb.
Universitetdən AZƏRTAC-a bildirilib ki, mərkəzin kitab fonduna 638 min 109 nüsxə kitab daxildir. Bu kitabların 323 min 487 nüsxəsi Azərbaycan dilində, 300 min 118 nüsxəsi rus, 14 min 434 nüsxəsi isə digər dillərdədir. Mərkəzin e-kataloqunda isə 70 min 58 nüsxə Azərbaycan dilində, 1918 nüsxə rus, 14 min 438 nüsxə isə digər dillərdə olmaqla, ümumilikdə 14 min 500 adda 86 min 414 nüsxə yer alıb.
İl ərzində Kitabxana-İnformasiya Mərkəzinin xidmət göstərdiyi oxucu sayı 9 min 646 nəfər, e-kitabxana istifadəçilərinin sayı isə 33 min 663 nəfər olub. Bundan əlavə, mərkəzə müxtəlif dillərdə 2 min 159 kitab, 1492 nüsxə dərslik və dərs vəsaiti, 486 nüsxə elmi ədəbiyyat, 81 bədii, 100 ictimai-siyasi ədəbiyyat, 26 elmlər doktorluğu və fəlsəfə doktorluğu dissertasiyası, 306 magistr dissertasiyası, 101 avtoreferat, 552 proqram, 73 dövri-elmi nəşr daxil edilib.
Bölmənin digər xəbərləri
