ELM VƏ TƏHSİL
ADPU-nun müəllimləri Bartın Universitetində tədris prosesində iştirak ediblər
Bakı, 2 dekabr, AZƏRTAC
Azərbaycan Dövlət Pedaqoji Universitetinin (ADPU) Filologiya fakültəsinin müəllimləri “Erasmus+” mübadilə proqramı çərçivəsində Türkiyənin Bartın Universitetində tədris prosesində iştirak ediblər.
ADPU-dan AZƏRTAC-a bildirilib ki, 5 gün davam edən mobillikdə müəllimlər öz ixtisasları üzrə 8 saat dərs tədris edib, universitet və fakültə ilə tanış olublar.
Mobillik Türkiyənin Bartın Universiteti ilə Azərbaycan Dövlət Pedaqoji Universiteti arasında “Erasmus+” proqramı çərçivəsində akademik əməkdaşlıq, tələbə-müəllim mübadiləsi məqsədilə 2022-ci ildə imzalanmış müəssisələrarası müqavilə əsasında təşkil edilib.
Bölmənin digər xəbərləri
