Üç ölkənin müdafiə nazirləri Qara dənizin təhlükəsizliyini müzakirə edəcəklər
Bakı, 28 oktyabr, AZƏRTAC
Türkiyə, Bolqarıstan və Rumıniyanın müdafiə nazirləri və silahlı qüvvələrinin baş qərargah rəisləri Qara dəniz regionunda təhlükəsizlik və müdafiə məsələlərini müzakirə etmək üçün Sofiyada görüşəcəklər.
AZƏRTAC BTA informasiya agentliyinə istinadla xəbər verir ki, bu barədə Bolqarıstanın Müdafiə Nazirliyi məlumat yayıb. Bildirilib ki, görüşdə Türkiyənin müdafiə naziri Yaşar Gülər, Bolqarıstanın müdafiə naziri Dimitar Stoyanov və Rumıniyanın müdafiə naziri Stefan-Radu Oprea, eləcə də üç ölkənin hərbi nümayəndə heyətləri iştirak edəcəklər.
Üçtərəfli danışıqlardan sonra müdafiə nazirlərinin mətbuata açıqlama verməsi gözlənilir.
Bölmənin digər xəbərləri
