AFRİKADA ŞİRLƏR DƏ QİÇS-DƏN TƏLƏF OLUR

31.01.2004 [17:03]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Afrikada təkcə insanlar deyil, hətta şirlər də QİÇS-dən qırılır. Hazırda Afrika qitəsində “heyvanlar padşahı” tükənmək təhlükəsi ilə üz-üzə qalmışdır. Ötən əsrin 80-cı illərində qitədə təxminən 230 min şir var idisə, BMT ekspertlərinin apardıqları hesablamalara görə, indi onların sayı 12–18 min arasındadır.

Şirləri təkcə brakonyerlər öldürmür. 10 il bundan əvvəl aparılmağa başlayan tədqiqatlar göstərdi ki, “heyvanlar padşahı”nın ən təhlükəli qatili FİV (hərfi mənası - pişik immunçatızmazlığı) virusudur. Bu virus orqanizmə daxil olan kimi, onun immun sistemini dağıdır.

Botsvanada tədqiqatlar aparan Britaniya zooloqu Keyt Nikolls və onun alman həmkarı Piter Kat belə bir dramatik mənzərəni müşahidə və təsvir etmişlər: uğurlu ovdan sonra ana şirin üç kiçik balasına aramsız çağırışları cavabsız qalır. Sonradan alimlər aşkar edirlər ki, suyun və yemin bolluğuna baxmayaraq, az öncə sağlam, şən və oynaq balalar yeməkdən imtina edirlər. Onlar artıq ölümə məhkum idilər, çünki FİV virusuna yoluxmuşdular.

AFRİKADA ŞİRLƏR DƏ QİÇS-DƏN TƏLƏF OLUR

MÜƏLLİFLƏ ƏLAQƏ

Bölmənin digər xəbərləri