Ağcabədidə çətənə bitkisi yetişdirən şəxs saxlanılıb
Bakı, 17 avqust, AZƏRTAC
Ağcabədi Rayon Polis Şöbəsinin əməkdaşları “Xaş-Xaş 2020” kompleks tədbirlər planına uyğun olaraq, kultivasiya yolu ilə yetişdirilən narkotik tərkibli bitkilərin aşkarlanması və bu qanunsuz fəaliyyətlə məşğul olan şəxslərin məsuliyyətə cəlb edilmələri istiqamətində uğurlu tədbirlər həyata keçirilər.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-a verilən məlumata görə, daxil olmuş məlumat əsasında Ağcabədi Rayon Polis Şöbəsinin əməkdaşları tərəfindən həyata keçirilən əməliyyat-axtarış tədbirləri nəticəsində çətənə bitkisi yetişdirməkdə şübhəli bilinən Avşar kənd sakini Cavid Əliyev saxlanılıb. C.Əliyevin yaşadığı ünvana baxış keçirilən zaman evinin həyətində aqrotexniki qaydada qulluq edərək yetişdirdiyi, ümumi çəkisi 51 kiloqramdan çox olan 12 çətənə kolu götürülüb.
Faktla bağlı Ağcabədi Rayon Polis Şöbəsində araşdırmalar davam etdirilir.
Bölmənin digər xəbərləri
