Ağcabədidə Xocalı şəhidlərinin xatirəsinə 613 ədəd ağac əkilmişdir
Ağcabədi, 26 fevral (AZƏRTAC). Ağcabədi şəhər 11 nömrəli tam orta məktəbində Xocalı faciəsi qurbanlarının xatirəsini anma mərasimi keçirilmişdir.
AZƏRTAC xəbər verir ki, məktəbin həyətində keçirilən mərasimdə əvvəlcə Xocalı şəhidlərinin xatirəsi bir dəqiqəlik sükutla yad edilmişdir.
Mərasimdə çıxış edən müəllimlər XX əsrin ən dəhşətli faciəsi və onun başvermə səbəbləri, Xocalının işğalı zamanı dinc əhaliyə qarşı törədilmiş genişmiqyaslı qanlı hərbi cinayət barədə ətraflı məlumat vermişlər.
Sonra məktəbin şagirdlərinin hazırladıqları bədii kompozisiya göstərilmişdir.
Mərasimin sonunda müəllim və şagirdlərin iştirakı ilə məktəbin həyətində hər bir xocalılı şəhidin xatirəsinə 1 ədəd olmaqla 613 ədəd ağac əkilmişdir.
Bölmənin digər xəbərləri
