Ağdam rayonunun taxılçıları bu günədək 3488 hektar sahədə biçin aparıblar
Ağdam, 17 iyun, AZƏRTAC
Ağdam rayonunda taxıl biçini davam edir. Biçinin vaxtında və itkisiz başa çatdırılması üçün bütün qüvvələr səfərbər edilib.
Rayon statistika idarəsindən AZƏRTAC-ın bölgə müxbirinə bildiriblər ki, Ağdamın işğal altında olmayan ərazilərində bu il 14 min 347 hektar sahədə payızlıq dənlilər becərilib. Bunun 12 min 92 hektarı buğda, 2255 hektarı arpadır. Bu günədək həmin sahələrin 3488 hektarında və ya 24,3 faizində itkisiz olaraq biçin aparılıb, 12 min 930 ton məhsul, o cümlədən 4935 ton buğda, 7995 ton arpa toplanıb. Hər hektarın məhsuldarlığı orta hesabla buğda zəmilərində 38 sentner, arpa sahələrində isə 36,5 sentnerdir.
Bölmənin digər xəbərləri
