AĞSTAFADA ƏKİN SAHƏLƏRİ İLBƏİL ARTIR
Ağstafa, 2 mart (AZƏRTAC). Rayon icra hakimiyyətindən bildirmişlər ki, Prezident İlham Əliyevin “Kənd təsərrüfatı məhsulları istehsalçılarına dövlət dəstəyi haqqında” 2007-ci il 23 yanvar tarixli Sərəncamı rayonda kənd təsərrüfatının inkişafına təkan vermişdir. 2007-ci ildə rayonda 13 min 678 hektar sahədə əkin aparılmışdır. Ötən il 16 min 743 hektar sahədə kənd təsərrüfatı məhsulları becərilmişdir. 2009-cu ildə isə bu göstəricinin 19 min 580 hektara çatdırılacağı gözlənilir.
Həmin Sərəncama uyğun olaraq, kənd zəhmətkeşlərinə ödənilən vəsaitin məbləği də ildən-ilə artır. 2008-ci ildə 10 min 471 fermerə 669 min 753 manat vəsait ödənilmişdir.
Bölmənin digər xəbərləri
