“AĞSTAFASÜD” KOMPLEKSİ LAYİHƏSİNİN TƏQDİMAT MƏRASİMİ OLMUŞDUR
Ağstafa, 4 aprel (AZƏRTAC). Aprelin 4-də “Ağstafasüd” kompleksi layihəsinin təqdimat mərasimi keçirilmişdir.
Tədbiri giriş sözü ilə açan rayon icra hakimiyyətinin başçısı Elxan Usubov yeni layihənin əhəmiyyətini qeyd etmişdir.
Azərbaycan İnvestisiya Şirkətinin icraçı direktoru Əfqan İsayev qurumun həyata keçidiyi layihələr barədə danışmışdır.
Layihənin meneceri Aynur Əliyeva “Ağstafasüd” kompleksi və bu layihəni reallaşdıran Almaniya şirkətləri barədə tədbir iştirakçılarına məlumat vermişdir.
Təqdimat mərasimində Almaniyanın GEA Vestfalia Surge şirkətinin regional direktoru Felix Yun, Volf System şirkətinin icraçı direktoru Sohiaq Martin Klaus, GLASS Global Soles şirkətinin regional direktoru Mathias Knödier və başqaları çıxış edərək kompleksə daxil olan 2400 baş mal-qara bəslənəcək südçülük fermasının layihəsi, burada nəzərdə tutulmuş tikinti işləri, aqroservisin texnika ilə təminatı, maşın-mexanizmlərin zəmanət-serviz xidmətinin həyata keçirilməsi və digər perspektiv vəzifələr barədə söhbət açmışlar.
Layihə üzrə Ağstafa ərazisində 2400 hektar sahəni özündə cəmləşdirən yem 2400 baş sağmal inək bəslənəcək südçülük təsərrüfatlarının, müasir texnika ilə təchiz edilmiş “Aqroservis”in və gündəlik 80 ton istehsal gücü olan süd emalı zavodunun inşası nəzərdə tutulur.
Layihənin 2010-cu ilin aprelində istifadəyə verilməsi planlaşdırılır.
Bölmənin digər xəbərləri
