Ağsunun ümumtəhsil məktəblərində 20 Yanvar faciəsinin ildönümü ilə bağlı tədbirlər keçirilir
Ağsu, 17 yanvar (AZƏRTAC). Ağsu rayonunun ümumtəhsil məktəblərində 20 Yanvar faciəsinin iyirmi üçüncü ildönümünə həsr olunmuş müxtəlif tədbirlər keçirilir.
AZƏRTAC xəbər verir ki, Azərbaycanın azadlığı uğrunda mübarizə tariximizin şanlı səhifəsini təşkil edən 20 Yanvar faciəsi ilə əlaqədar rayonun 38 ümumi və tam orta məktəbində VIII-XI sinif şagirdlərinin inşa yazı, 30 tam orta, 14 ümumi orta və 5 ibtidai məktəbdə rəsm və müxtəlif əl işlərinin müsabiqəsi keçirilmişdir.
Müsabiqələrdə şəhərdəki 2 və 4 nömrəli, Ərəbmehdibəy, Cəlayir, Növcü, Çiyni, Dilman, Ləngəbiz və Padarqışlaq kənd tam orta, Keçdiməz, Yenilik və Sarvan kənd ümumi orta, Navahı və Şahbəyli kənd ibtidai məktəblərinin şagirdləri daha yaxşı nəticələrə nail olmuşlar.
Nominasiyalarda fərqlənən şagirdlərə məktəb rəhbərləri tərəfindən fəxri fərman təqdim olunmuş, kitab hədiyyə edilmişdir.
Bölmənin digər xəbərləri
