Aİ və Çin ticarət münasibətlərini nizamlamaq üçün yeni dialoq platforması yaradıb
Brüssel, 30 iyun, AZƏRTAC
Brüssel və Pekin ticarət sahəsində artan gərginliyi azaltmaq məqsədilə yeni Ticarət və İnvestisiya Məsləhətləşmələri (TIC) platformasının yaradılması barədə razılığa gəliblər.
AZƏRTAC xəbər verir ki, yeni mexanizm tərəflər arasında ticarət və investisiya siyasəti, ixrac nəzarəti, əqli mülkiyyət hüquqları və Ümumdünya Ticarət Təşkilatının islahatı ilə bağlı məsələlərin müntəzəm müzakirəsini nəzərdə tutur.
Avropa İttifaqının ticarət üzrə komissarı Maroş Şefçoviç bildirib ki, məqsəd oktyabr ayınadək konkret nəticələr əldə etməkdir. Tərəflər, həmçinin Çin məhsullarının Aİ bazarına mümkün kəskin axınını izləmək üçün birgə monitorinq mexanizmi yaratmağa razılaşıblar. Bu addım Aİ-nin Çinlə ticarət balansındakı rekord kəsir və iqtisadi münasibətlərdə artan fikir ayrılıqları fonunda atılıb.
Çin isə nadir torpaq elementlərinin ixracına tətbiq olunan mövcud məhdudiyyətlərin Avropa tədarük zəncirlərinə mane olmayacağına dair təminat verib.
Bölmənin digər xəbərləri
