“Air Baltic” Riqadan Vilnüs və Palanqa istiqamətində aviareysləri ləğv edib
Vilnüs, 10 dekabr, AZƏRTAC
Latviya hökumətinin Litvaya gediş-gəlişi məhdudlaşdırmaq barədə qərar qəbul etməsi səbəbindən Latviya aviaşirkəti “Air Baltic” Riqadan Vilnüs və Palanqa istiqamətində aviareysləri ləğv edib.
AZƏRTAC xəbər verir ki, Litva hava limanları şirkət-operatoru “Lietuvos oro uostai”nin ictimaiyyətlə əlaqələr üzrə nümayəndəsi Tadas Vasilyauskas uçuşların bazar gününədək ləğv edildiyini deyib.
“Uçuşlar artıq bazar ertəsindən etibarən ləğv edilsə də, məhdudiyyətlərlə əlaqədar vəziyyətin çərşənbə günü dəyişəcəyi gözlənilirdi”, - deyə T.Vasilyauskas “BNS” agentliyinə açıqlamasında bildirib. Onun sözlərinə görə, Vilnüsdən Riqa istiqamətində aviareyslər gündəlik, Palanqa şəhərindən isə həftədə üç dəfə həyata keçirilirdi.
Bu cümə günü üçün Latviya koronavirus infeksiyası ilə əlaqədar olaraq həm hava nəqliyyatı, həm də avtobus vasitəsilə Litvaya və geri istiqamətdə ticari sərnişindaşımanın dayandırıldığını açıqlayıb.
Asiman Əsədov
AZƏRTAC-ın xüsusi müxbiri
Vilnüs
Bölmənin digər xəbərləri
