Akademik İsa Həbibbəyli: Milli Elmlər Akademiyası dövlətimizin əsas azərbaycanşünaslıq mərkəzlərindən biridir
Bakı, 20 fevral, AZƏRTAC
Bütün tarixi mərhələlərdə Azərbaycan Elmlər Akademiyası həmişə Azərbaycan dövlətçiliyinin, ana dilimizin – dövlət dilimizin, milli-mənəvi dəyərlərimizin, ədəbiyyatımızın və incəsənətimizin keşiyində dayanıb, azərbaycanşünaslıq mərkəzi funksiyasını yerinə yetirib. Azərbaycan Milli Elmlər Akademiyası ölkəmizdə fundamental elmin beşiyi və yaradıcısıdır.
AZƏRTAC xəbər verir ki, bu sözləri AMEA-nın prezidenti akademik İsa Həbibbəyli fevralın 20-də AMEA-nın Ümumi yığıncağında söyləyib. AMEA rəhbəri deyib: “Fundamental elm ölkəmizin elmi sərvəti olmaqla yanaşı, həmçinin tətbiqi elmlər üçün ideyaların, proqnozların, təkliflərin mənbəyi, mənşəyidir. Bunsuz ümumiyyətlə elmi, o cümlədən də Azərbaycan elmini təsəvvür etmək olmaz. Bu gün də Milli Elmlər Akademiyası müstəqil Azərbaycan dövlətinin əsas azərbaycanşünaslıq mərkəzlərindən biridir”.
Bölmənin digər xəbərləri
