Akademik Şahin Mustafayev: “Türk dünyasının müqəddəs yerləri” layihəsi həyata keçiriləcək
Bakı, 4 mart, AZƏRTAC
Beynəlxalq Türk Akademiyasında bu il “Türk dünyasının müqəddəs yerləri” layihəsi həyata keçiriləcək. Bu layihə Türk Dövlətləri Təşkilatının Zirvə görüşünün Yekun Bəyannaməsində əks olunmuş təlimatların icrası istiqamətində reallaşacaq.
Bu barədə AZƏRTAC-a Beynəlxalq Türk Akademiyasının prezidenti akademik Şahin Mustafayev məlumat verib. Akademik qeyd edib ki, türk dövlətlərinin inteqrasiya prosesi baxımından türk coğrafiyasında tarixi-mədəni irs abidələrinə, onların hazırkı vəziyyətinə marağın artması tamamilə təbiidir. Hər bir türk xalqı üçün müqəddəs olan məkanlar var və bu məkanlar milli kimliyi müəyyənləşdirən ünsürlər arasında yer almaqdadır. Bu məqam türk dünyasının “müqəddəs coğrafiyası”nın dərindən tədqiq olunmasını zəruri edir. Məqsədimiz türk dünyası üçün əhəmiyyətli olan müqəddəs yerləri özündə əks etdirən atlası hazırlamaq və qardaş xalqlarımızın tarixi bağlarını bir daha ortaya çıxarmaqdır.
Bölmənin digər xəbərləri
