AKAF-ın baş katibi: Artıq yeniyetmə avarçəkənlərdən istədiyimiz nəticələri alırıq
Mingəçevir, 26 oktyabr, AZƏRTAC
Artıq ikinci dəfədir Mingəçevir reqatasını təşkil edirik. Bildiyiniz kimi, bu, ənənəvi turnirdir. Əlli ilə yaxındır təşkil olunur. Biz də bu ənənəni davam etdiririk. Bundan sonra da hər il keçirəcəyik.
AZƏRTAC xəbər verir ki, bu sözləri Azərbaycan Kanoe və Avarçəkmə Federasiyasının (AKAF) baş katibi Fərhad Əliyev "Mingəçevir Reqatası-2023" turniri zamanı jurnalistlərə açıqlamasında deyib.
Yarışın ilk günündə Azərbaycan idmançılarının 4 medal qazandığını xatırladan AKAF rəsmisi milli komandanın bu gün daha bir mükafatı rəsmiləşdirdiyini bildirib: “Avarçəkənlərimizdən növbəti medalları gözləyirik. İnanırıq ki, günün sonunadək mükafatların sayı çox olacaq".
Fərhad Əliyevin sözlərinə görə, reqatanın təşkilində məqsəd yeniyetmə avarçəkənlərin davamlı inkişafını təmin etməkdir: "İdmançılarımız ötən il ciddi nəticələr verməsələr də, ümumi görüntü və gözlənti var idi. Artıq onlardan istədiyimiz nəticələri alırıq".
Qeyd edək ki, "Mingəçevir Reqatası-2023" turnirinə oktyabrın 27-də yekun vurulacaq.
Bölmənin digər xəbərləri
