AKİRA AMARİ: HEYDƏR ƏLİYEV GÜCLÜ SİYASİ İRADƏYƏ MALİK GÖRKƏMLİ ŞƏXSİYYƏT OLMUŞDUR
Azərbaycan-Yaponiya parlamentlərarası dostluq qrupunun rəhbəri Aynur Sofiyeva bildirdi ki, təməli ümummilli liderimiz Heydər Əliyevin 1998-ci ildə Yaponiyaya rəsmi səfəri zamanı qoyulmuş dostluq və əməkdaşlıq getdikcə inkişaf edir və möhkəmlənir. Ölkələrimiz arasında münasibətlərdə parlamentlərarası əlaqələrin də mühüm rolu vardır.
Qarşılıqlı səfərlər dövlətlərimiz arasında iqtisadi və mədəni əlaqələrin daha da inkişaf etməsinə öz müsbət təsirini göstərir.
Yaponiya-Azərbaycan parlamentlərarası dostluq liqasının sədri Akira Amari başçılıq etdiyi qrupun 1998-ci ildə yaradıldığını bildirərək dedi ki, onun ölkəsi Azərbaycanı özünə tərəfdaş dövlət hesab edir. Mən 1998-ci ildə Yaponiyada Heydər Əliyevlə şəxsən görüşüb söhbət etmişəm və deyə bilərəm ki, o, çox güclü siyasi iradəyə malik şəxsiyyət olmuşdur.
A.Amari onu da dedi ki, başçılıq etdiyi liqaya hakimiyyətdə olan liberal-demokrat partiyasını təmsil edən 40-dan çox deputat daxildir. Onlar təcrübəli siyasətçilərdir. Görüşdə bildirildi ki, dövlətlərimiz arasında əməkdaşlıq getdikcə möhkəmlənəcəkdir.
Yaponiyanın Bakıdakı səfiri Tuşiyuki Fucivara görüşdə iştirak etmişdir.
Bölmənin digər xəbərləri
