Akvakulturada yetişdirilən balıq kürülərinin ilk dəfə Avropa İttifaqına ixracına razılıq verilib
Bakı, 17 may, AZƏRTAC
Azərbaycanda akvakulturada yetişdirilən balıq kürülərinin ilk dəfə Avropa İttifaqına ixracına razılıq verilib.
AZƏRTAC xəbər verir ki, bunu Azərbaycan Qida Təhlükəsizliyi Agentliyinin sədri Qoşqar Təhməzli 28-ci Azərbaycan Beynəlxalq Qida Sənayesi “InterFood Azerbaijan 2023” və 16-cı Azərbaycan Beynəlxalq Kənd Təsərrüfatı “Caspian Agro” sərgisinin açılışında deyib.
Q.Təhməzli qeyd edib ki, qida təhlükəsizliyi sisteminin beynəlxalq tələblərə uyğun qurulması və qida sənayesinin tətbiqi, bu sahədə ciddi nailiyyətlərin əldə edilməsinə gətirib çıxarıb: “Həyata keçirilən nəzarət tədbirləri respublikamızdan Avropa İttifaqına (Aİ) üzv olan ölkələrə fındıq məhsullarının sadələşdirilən şərtlərlə ixracına imkan verib. Aİ-nin müvafiq qurumları ilə aparılan intensiv iş nəticəsində ölkəmizdə heyvan dərisinin və yunun ixracına, bu yaxınlarda isə akvakulturada yetişdirilən balıq kürlərinin ilk dəfə ixracına imkan yaranıb”.
Bölmənin digər xəbərləri
