Aleksandriya kitabxanasında 20 Yanvar faciəsinə həsr olunmuş anım mərasimi keçirilib
Bakı, 21 yanvar (AZƏRTAC). Helsinki Universitetinin Aleksandriya kitabxanasında “Dostluq” cəmiyyəti tərəfindən 20 Yanvar faciəsinə həsr olunmuş anım mərasimi keçirilmişdir. Tədbirin əvvəlində şəhidlərin xatirəsi bir dəqiqəlik sükutla yad edilmişdir.
Diasporla İş üzrə Dövlət Komitəsindən AZƏRTAC-a verilən məlumata görə anım mərasimində Helsinkidəki Azərbaycan diasporunun əməkdaşları və Azərbaycanla yaxından maraqlanan Finlandiya ictimaiyyətinin nümayəndələri iştirak etmişdir.
Tədbirdə çıxış edən “Dostluq” cəmiyyətinin sədri Təranə Nəzərova 20 Yanvar hadisələrinin Azərbaycan xalqının öz azadlığı uğrunda apardığı və qan yaddaşına əbədi həkk olunmuş mübarizə tarixi olduğunu vurğulamışdır. O, həmçinin bildirmişdir ki, Azərbaycan xalqı 20 Yanvarda vətəninin azadlığı uğrunda canını qurban vermiş bacı və qardaşlarımızın xatirəsini ehtiramla anır.
Tədbirin sonunda anım mərasimi iştirakçılarına sənədli film nümayiş olunmuşdur.
Bölmənin digər xəbərləri
