Almaniya Kansleri Ukrayna Prezidentinə Rusiyaya qarşı təzyiqi artıracağına söz verib
Berlin, 11 oktyabr, AZƏRTAC
Almaniya Kansleri Fridrix Merts Ukrayna Prezidenti Volodimir Zelenskini Rusiyaya qarşı təzyiqi artıracağına əmin edib.
AZƏRTAC xəbər verir ki, Kansler bu barədə X platformasındakı paylaşımında Zelenskinin ona Rusiyanın mülki əhaliyə və infrastruktur obyektlərinə qarşı həyata keçirdiyi ağır hücumlar barədə məlumat verdiyini bildirib. “Mən onu əmin etdim ki, biz dəstəyimizi davam etdirəcək və müdafiə sənayesi sahəsində əməkdaşlığımızı genişləndirəcəyik. Moskva üzərində təzyiqi artıracağıq”, - deyə Kansler qeyd edib.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
