Almaniya Prezidenti nasistlərin keçmiş cəza düşərgəsinə səfər edib
Berlin, 14 iyun, AZƏRTAC
Almaniyanın federal Prezidenti Frank-Valter Ştaynmayer bu gün Zandbosteldəki keçmiş cəza düşərgəsinə səfər edib. İkinci Dünya müharibəsi illərində bu düşərgədə əsir düşmüş sovet əsgər və zabitləri də saxlanılırdı.
AZƏRTAC xəbər verir ki, Frank-Valter Ştaynmayer memorialın önünə əklil qoyub, sonra cəza düşərgəsində dünyasını dəyişənlərin qohumları ilə, habelə öz doğmalarının xatirəsini yad etmək üçün oraya gələnlərlə görüşüb.
Zandbosteldəki keçmiş cəza düşərgəsində 300 minə yaxın hərbi əsir məhv edilib. Onlardan 70 mini Qızıl ordu döyüşçüləri idi.
İyunun 18-də Berlin-Karlshorst Almaniya-Rusiya muzeyində sərgi açılacaq. Həmin sərginin açılış mərasimində Ştaynmayerin çıxış edəcəyi gözlənilir. Üçüncü Reyxin qeyd-şərtsiz kapitulyasiyası barədə akt 1945-ci il mayın 9-na keçən gecə həmin muzeyin binasında imzalanıb.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
