ALMANİYA TEXNİKİ ƏMƏKDAŞLIQ CƏMİYYƏTİ “AZƏRBAYCANDA İNZİBATİ HÜQUQ İSLAHATI” MÖVZUSUNDA MÜSABİQƏ KEÇİRİR
Müsabiqəyə “İnzibati icraat haqqında” Azərbaycan Respublikası Qanununun əhatə etdiyi məsələlərə - vətəndaşların inzibati orqanlara müraciət etmək imkanları, bu orqanların vətəndaşların ərizə və müraciətlərinə baxması, onların məsuliyyəti və s. ilə bağlı mövcud vəziyyətə adıçəkilən qanunun qüvvəyə minməsindən sonra gözlənilən dəyişikliklərə dair ümumiləşdirici və araşdırma materialları təqdim olunmalıdır.
Jurnalistlər sentyabrın 1-dən etibarən mətbuatda dərc olunmuş məqalələrini, televiziya və radioda verilmiş reportajlarını noyabrın 15-dək təqdim edə bilərlər.
Nüfuzlu hüquqşünaslardan ibarət münsiflər heyətinin seçəcəyi qaliblərə pul mükafatları və diplomlar təqdim olunacaqdır.
Nəticələr dekabrın 1-dən sonra açıqlanacaqdır.
